AISTA leku paregabean dago, URDAIBAIren bihotz-bihotzean, UNESCOk Biosfera Erreserba izendatu zuena bere paisai eta aberastasun naturalagatik. Kokapen ezin hobean dago eskualde hau ezagutzeko; BILBOtik gertu eta BIZKAIko KOSTALDEAtik gertu. GERNIKA herri enblematikoaren irteeran bertan gaude, hara arte ibiltzen joateko beste hurbil, baina handik nahiko urrun landa zabaleko askatasuna, isiltasuna eta bakea sentitzeko. Gure etxeak Berrekondo ibaiaren ertzean dauden Goikoerrotara igotzen diren larre berdeen eta mendi-hegalen ikuspegi panoramiko ederrak ditu, natura basatia. Leku aproposa da eguneroko estresetik ihes egiteko, naturaz gozatzeko eta bizimodu sinpleago batekin eta barrizten gaituen lasaitasun gozo batekin konektatzeko.

Ondo etorri AISTA landetxera!

AISTA, Ajangizko Kanpantxu auzoan dago, Bizkaian, Arestieta Jauregiaren hegoaldeko erdia da, Gandarias-Arestieta familiak XVII. mendean eraikitako barroko estiloko baserria da. Duela gitxi, bere jatorrizko arkitektura errespetatuz, maitasunez eta ilusio handiz barriztatu dabe bere jabeek. Hiru solairuko horma lodiko baserri hau, fatxada nagusia izan ezik veste guztia harlanduz egina da, fatxada nagusia barriz, zurezko eta adreiluzko diseñu konplexu batez sortua da, non lau zutabeen artean lotzen da XVII. mendeko leinu-familia haren armarria daukagu ikusgai oraindik. Gaur egungo jabeen familiak duela bi mende baino gehiago erosi zuen jauregi hau abere eta baliozko beste ondasun batzuen truke. Holan ba, gaur, Justok, Norak eta bien hiru seme-alabek ateak zabaltzen dizkizute.